真系大吉利是咩!25岁G.E.M.出自传式纪念电影

娱闻乐2021-04-04 15:36:42



邓紫棋(G.E.M.)自从参加内地人气节目《我是歌手2》后,喺内地人气爆灯。平时嘅行为、衣著品味都充分表现出佢份人劲创新,阿G.E.M.近排又有新搞作啦,就系出自传式纪念电影《一路逆风》,25岁人就拍自传,会唔会有少少大吉利是左啲啊?!


《一路逆风》预告片



历时2年去制作嘅《一路逆风》系一个非常励志嘅故事,主要讲述一位有梦想、深受90后观众欢迎嘅音乐天才少女邓紫棋出道10年嘅快乐与伤痛,讲佢点样系由一个寂寂无名嘅歌手走到人生嘅巅峰。电影邀请左专门帮欧美歌手拍摄自传电影嘅英国导演Nick Wickham执导,另外又请左一班好朋友,例如林俊杰、韩寒、汪峰、曹格等人现身力挺。




《一路逆风》嘅海报同埋预告片已经出街,电影将于下年1月6日喺内地上映,咁香港呢?唔好意思,香港暂时未有上映日期。如果真系想睇嘅话,可能要辛苦少少返内地睇啦!



-End-

文章均为原创,未经授权一律禁止转载

如未授权转载至公众号,必追究法律责任


公众号回复艺人名字可查看其他八卦

比如:刘德华 / 古天乐 / 快乐家族 / 英皇 / 何炅 / 谢娜 / Boy'z / 叶璇 / 钟丽缇 / 吴亦凡 / 方力申 / 邓丽欣 / TVB / 任达华 / 陈伟霆 / 刘诗诗 / 杨幂 / 钟嘉欣 / 陈冠希 / SNH48……陆续整理中