✿✿✿
前言：因为好惊某一日就忽然消失喺人世间，所以提前将自己嘅自传写好。每个名人，唔係都係咁噶咩？【看不懂的可以留言问】
【出世】
DD出世之前，个个都以为我係男仔。点解？因为我阿妈个胎形，同阿妈D性格，个个都觉得呢胎绝对係男仔。我老豆仲喺佢出世前，画咗条巨大嘅龙嚟准备庆生。龙係皇帝嘅象征，无比威严。一睇就知道老豆对我期望超大。
哇哇哇，医生话，DD係个女仔。
咁嘅消息，肯定有人唔开心啦，皆因嗰个年代仲係好重男轻女噶嘛。妈咪，姨妈，表姐等，见到我第一眼，吓餐饱，因为个样生得太核凸。点解个嘴咁阔噶？连阿妈见到我咁嘅样都唔够胆喂奶过我。阴公。不过老豆就唔介意啦，见到我嗰一刻，开心到爆镜。仲锡我锡唔停添噃。佢唔想我输，边个话净係男仔先至可以做皇帝，女仔照样可以做到。于是乎，起名“曌”（中国第一女皇帝武则天为自己嘅名原创嘅字）。
后尾，我越生越靓，越生越得意，越生越趣稚。你哋谂下，我阿妈驼我嗰阵，唔觉意跌亲，咁都冇走甩，你哋就知道我係命中注定要生落嚟嘅BB。
✿✿✿
●我们的粤语，正在消失
如果你热爱粤语
请转发
多一个人转发，多一分力量